Эркин Қосимов, сафири Тоҷикистон дар Бритониё дар сӯҳбат ба Радиои Озодӣ гуфт, шумори шаҳрвандони тоҷики муқими Бритониё, ки худро дар сафорат сабти ном кардаанд, тақрибан 67 нафар буда, касе аз онҳо осеб надидааст ва барои кӯмак ба сафорат низ то ҳол ҳеҷ кадоме муроҷиат накардааст.
Беназмиҳову сӯхтанҳо ва ғоратгариеро, ки рӯзи шанбе, 6-уми августи соли ҷорӣ, дар пайи ҳалокати як ҷавон аз тири пулис дар Тоттенҳем оғоз ёфт, бадтарин ошӯбҳо дар Бритониё аз солҳои 80-ум ба ин сӯ меноманд.
Порлумони Бритониё имрӯз, 11-уми август, дар ҷаласаи махсусаш ошӯбу ғоратгариҳои рӯзҳои охир дар ин кишварро баррасӣ хоҳад кард.
Сарвазири Бритониё, Девид Камерон, ки вакилони маҷлисро ба қатъи давраи истроҳат даъват кард, мегӯяд, "зарбаи ҷавобӣ" алайҳи ошӯб, сӯзандагӣ ва ғорат дар Лондон ва чанд шаҳри дигар дар ҷараён аст.
Камерон, ки барои расидагӣ ба беназмиҳо истироҳати тобистонаи худро қатъ кард, гуфт, ҳукумат ба бадтарин хушунатҳои сӣ соли охири Бритониё хотима хоҳад гузошт. Барои ин пулис аз василаҳое истифода хоҳад кард, ки ба гуфтаи Камерон, ҳаргиз дар Бритониё корбаст нашудаанд. Ба монанди мошинҳои обпошӣ ва тирҳои пластикӣ.
Авзоъ дар Лондон акнун ором аст, аммо дар чанд шаҳр ҳамонон даргириҳои пароканда рӯй медиҳад. Мақомот олами ҷиноиро масъули ин ошӯбҳо мешуморад. Пулис мегӯяд, 1100 нафарро дар маҳалҳои ошӯб боздошт кардааст.
![Лондон дар чанголи хушунатҳо]()
Нигористон
Беназмиҳову сӯхтанҳо ва ғоратгариеро, ки рӯзи шанбе, 6-уми августи соли ҷорӣ, дар пайи ҳалокати як ҷавон аз тири пулис дар Тоттенҳем оғоз ёфт, бадтарин ошӯбҳо дар Бритониё аз солҳои 80-ум ба ин сӯ меноманд.
Порлумони Бритониё имрӯз, 11-уми август, дар ҷаласаи махсусаш ошӯбу ғоратгариҳои рӯзҳои охир дар ин кишварро баррасӣ хоҳад кард.
Сарвазири Бритониё, Девид Камерон, ки вакилони маҷлисро ба қатъи давраи истроҳат даъват кард, мегӯяд, "зарбаи ҷавобӣ" алайҳи ошӯб, сӯзандагӣ ва ғорат дар Лондон ва чанд шаҳри дигар дар ҷараён аст.
Камерон, ки барои расидагӣ ба беназмиҳо истироҳати тобистонаи худро қатъ кард, гуфт, ҳукумат ба бадтарин хушунатҳои сӣ соли охири Бритониё хотима хоҳад гузошт. Барои ин пулис аз василаҳое истифода хоҳад кард, ки ба гуфтаи Камерон, ҳаргиз дар Бритониё корбаст нашудаанд. Ба монанди мошинҳои обпошӣ ва тирҳои пластикӣ.
Авзоъ дар Лондон акнун ором аст, аммо дар чанд шаҳр ҳамонон даргириҳои пароканда рӯй медиҳад. Мақомот олами ҷиноиро масъули ин ошӯбҳо мешуморад. Пулис мегӯяд, 1100 нафарро дар маҳалҳои ошӯб боздошт кардааст.
