Имрӯз Оқил Оқилов-нахуствазири Тоҷикистон аз қисмати тахрибшудаи роҳи мошинрави миёни ноҳияиҳои Айнӣ-Масчоҳи кӯҳистонӣ боздид кард. Тақрибан ним километри ин роҳ дар километри 22 миёни деҳоти Рарзу Похут бар асари лағзиши кӯҳ ва теппа хароб шудааст. Бино ба хабарҳо, нахуствазир дар ҷараёни ин боздид бо вазъ дар бахшҳои кишоварзиву беҳдошт ва омӯзишу парвариши минтақа ошно мешавад. Акнун чанд рӯз аст нисфи сокинони ноҳияи Айнӣ ва ноҳияи Масчоҳи кӯҳистонӣ роҳи бурунрафт надоранд ва дар муҳосира қарор доранд.
