Вазорати корҳои дохилаи Туркия мегӯяд, полиси ин кишвар аз як ҳамла пешгирӣ ва 15 нафар аъзои шабакаи террористии Ал Қоидаро дар ду рӯзи ахир боздошт кардааст. Дар эъломия омадааст, як мард рӯзи душанбе дар ҳаволии Анкара боздошт шудааст. Вай замоне боздошт шудааст, ки мехостааст “амалиёт”-е анҷом диҳад. Дар зимн чанд мил силоҳу муҳимот ва ҳамчунин асноди муттааллиқ ба ин шабакаи террористӣ ба даст омадааст.
