Ҳалокати як сарбози покистонӣ дар Мироншоҳ

Дар шимолу ғарби Покистон бар асари ба минаи рӯи роҳ бархӯрдани мошини низомӣ як сарбоз ба ҳалокат расида, чаҳордаҳ нафари дигар ҷароҳат бардоштанд.

Манбаъҳо дар хадамоти кашфи Покистон хабар доданд, ки ин ҳодиса субҳи имрӯз дар Мироншоҳ, бузургтарин шаҳри Вазиристони Шимолӣ, воқеъ дар марзи Афғонистон рӯх додааст.

Масъулияти ҳамларо ҳанӯз гурӯҳе бар дӯш нагирифтааст.