Нируҳои амниятии Миср рӯзи дуввум аст, ки дар маркази шаҳри Қоҳира-пойтахти ин кишвар бо тазоҳуркунандагон ба задухӯрд пардохтаанд. Чунин саҳнаҳо баъд аз шӯришҳои моҳи феврал бар зидди режими Ҳуснӣ Муборак мушоҳида нашуда буд. Бино ба гузоришҳо, полиси зидди тазоҳурот дар атрофи бинои вазорати корҳои дохилӣ мустақар шудаанд ва аз гази ашковар истифода мебаранд, то тазоҳуркунандагонро дар канор нигаҳ доранд. Тазоҳуркунандагони ҷавон бо сангҳову бамҳои оташангез ба тадобири полис ҷавоб медиҳанд ва тақозо мекунанд, ки мурофиаи додгоҳии мақомоти собиқи давлатӣ зудтар анҷом бигирад.
