Пайвандҳои дастрасӣ

Раиси Кумитаи радио ва телевизиони Тоҷикистон ба пурсишҳои хонандагони торнамои Радиои Озодӣ посух гуфт.

Мизони суолҳои ироашуда тавассути хонандагон ба раиси Кумитаи радио ва телевизиони Тоҷикистон дар қиёс ба меҳмонони қаблии «Гуфтугӯи мустақим» бесобиқа буд. Ҷаноби Раҳмонов низ ин амрро далели таваҷҷӯҳи зиёди мардум ба фаъолияти ин кумита ва шабакаҳои радиоӣ ва телевизионии Тоҷикистон арзёбӣ кард.

Асадуллоҳ Раҳмонов, аз рӯи имконот ва диди хеш ба аксари кулли суолҳо посух гуфт, ки бештари онҳо ба фаъолияти шабакаҳои давлатии радио ва телевизони Тоҷикистон, мӯҳтавои барномаҳо, ҳавзаи пахши барномаҳои радио ва телевизион рабт дошт.

Пахши филмҳои хориҷӣ ва таъсири фарҳанги бегона, набуди барномаҳои диниву маърифатӣ дар шабакаҳои давлатӣ, интихоби нодурусти кадрҳо дар Кумита ва шабакаҳои телевизионӣ ва вуҷуди маҳалгароӣ аз дигар масоиле буд, ки дар суоли хонандагону истифодабарандагони сомона матраҳ гардидааст.

Посухҳои Асадуллоҳ Раҳмонов, раиси Кумитаи радио ва телевизиони Тоҷикистон ба ин суолҳоро дар гӯшаи «Гуфтугӯи мустақим» метавонед дарёфт кунед.

Машваратдодашуда

Намоиши шарҳҳо

XS
SM
MD
LG