Маъмурони амниятии Ироқ мегӯянд, бар асари се таркиш дар як бозори шаҳри Бағдод дасти кам 21 нафар кушта ва бештар аз 40 тани дигар захмӣ шуданд. Ҳодиса рӯзи панҷшанбе дар бозори пуродами Шурт ал-Рабо ба вуқӯъ пайваста ва се бомб ҳам пайи ҳам мунфаҷир шудаанд. Айни замон, сафорати Амрико дар Ироқ гуфт, як корманди қарордодии Амрикоро дар Бағдод куштаанд. Агарчӣ хунрезӣ дар Ироқ баъди солҳои 2006- 2007 башиддат кам шуд, аммо тайи чанд моҳи гузашта боз афзоиш ёфтааст.
