Пайвандҳои дастрасӣ

logo-print

Порлумони Юнон ба ҳукумат раъйи эътимод дод


Порлумони Юнон ба ҳукумати нахуствазир Ҷорҷ Папандреу раъйи эътимод дод. Дар раъйгирии бомдоди чаҳоршанбе аз ҳисоби 300 вакили порлумон бештар аз нисфи онҳо ба ҳукумат раъйи мувофиқ доданд. Ҷорҷ Папандреу, ки барои наҷоти кишвари дармондаашро кори сахте дар пеш дорад, бояд ислоҳоти иқтисодии дардноке анҷом диҳад, то аз Иттиҳодияи Аврупо ва Сандуқи Байналмилалии Пул кӯмаки молӣ дарёфт кунад. Барномаи коҳиши хароҷоти буҷа ва имтиёзҳои давлатӣ сабаби тазоҳуротҳои оммавӣ дар Юнон шуд, ки қарзҳои давлатиаш аз ҳад зиёд шудаанд. Иттиҳодияи Аврупо ва Сандуқи Байналмилалии Пул аз Юнон хостаанд, дар ивази 110 миллиард евро кӯмаки молӣ бо ислоҳоти иқтисодӣ ин қарзҳоро баргардонад.
XS
SM
MD
LG