Пайвандҳои дастрасӣ

Раиси ҷумҳури пешини Тунис ба зиндон маҳкум шуд


Зайнулобиддин Бин Алӣ, раиси ҷумҳури барканоршудаи Тунис ва ҳамсараш ҳар яке бо гуноҳи дуздӣ ва қонуншиканиҳои дигар ба 35 соли зиндон маҳкум шуданд. Додгоҳ ҳукмро дар ғайби онҳо кард, ки ҳарду баъди қиёмҳои мардумӣ дар моҳи январ ба Арабистони Саудӣ гурехтанд. Додгоҳи Тунис ҳамчунин амр додааст, то раиси ҷумҳури пешин ва ҳамсараш 66 миллион доллар ҷарима бипардозанд. Дар муҳокимаи тӯлонӣ, иттиҳомоти дуздӣ, фасодкорӣ, қочоқи маводи мухаддир баррасӣ шуд, ки ҳамаи онҳоро раиси ҷумҳури собиқи Тунис рад кардааст.
XS
SM
MD
LG