Далер Амонов, муассиси радиои мустақили “Ватан” ба 9 соли зиндон маҳкум шуд. Додгоҳ ӯро дар тасарруфи амвол, қаллобӣ ва сӯъиистифода аз мақом муҷрим шинохт. Далер Амонов, мудири кулли “Ватан” ва ширкати “Арзон-мобил” ҳанӯз моҳи октябри соли гузашта аз сӯи Ожонси мубориза бо фасоди Тоҷикистон боздошт шуд. Додгоҳ мегӯяд, ки ӯ бо роҳи фиреб садҳо ҳазор доллари шарикони тиҷориашро аз худ кардааст.
