Дар ҷанубушарқии шаҳри Исломобод, пойтахти Покистон, ҷасади журналисти покистонӣ, Саид Салим Шаҳзод кашф шуд, ки асосан дар бораи равобити ҳарбиёни Покистон ва Ал-Қоида матолиб менавишт. Шаҳзод, ки ду рӯз пеш бенишон гашта буд, барои як хабаргузории итолиёӣ кор мекард, ки торнамои он дар Ҳонг Конг сабти ном шудааст. Вай рӯзи 29-уми май аз хона баромад, то дар як намоиши телевизионӣ ширкат кунад ва бо ҳамин барнагашт. Ҷасади ӯ дар мошинаш дар минтақаи Сарои Аламгир, 150-километрии Исломобод пайдо шуд. Вай пештар изҳори тарс мекард, ки хадамоти ҷосуси Покистон аз мақолаҳои ӯ норозист ва қасос хоҳад гирифт.