Як зани ҷавони молдованиро додгоҳ барои муқовимат ва газидани посбони зиндон ба чаҳор солу ҳашт моҳи дигар ба зиндон маҳкум кард. Ба гузориши бахши молдовании Радиои Озодӣ, ин зани гирифтори бемории норасоии масӯнияти бадан ва ё ЭЙЧ АЙ ВИ, ҳангоми тафтишаш, посбонро бо қасди олуда кардан ба бемории худ сахт газидааст. Ин хонуми 28-сола, ки қаблан барои дуздӣ ва муомила бо маводи мухаддир ба зиндон маҳкум шудааст, қарор буд, моҳи июн озод шавад.
