Интизор меравад, фардо Марк Гроссман, фиристодаи махсуси Амрико дар умури Афғонистону Покистон ба хотири дидору мулоқот бо раҳбарони Тоҷикистон вориди Душанбе шавад. Бино ба гузоришҳо, масоили амнияти минтақа, шеваҳои расидан ба сулҳ дар Афғонистон ва мубориза бо терроризм аз мавзӯъҳои аслии сӯҳбати Марк Гроссман бо мақомоти Тоҷикистон хоҳад буд. Намояндаи вижаи Амрико барои Покистону Афғонистон бо раҳбарони кишварҳои дигари Осиёи Марказӣ низ мулоқот хоҳад дошт.
