Паймони Атлантики Шимолӣ мегӯяд, хабари ҳалокати шаҳрвандони осоиштаро дар натиҷаи зарбаҳои ҳавоии НАТО тасдиқ карда наметавонад, аммо аз ҳама гуна талафоти сокинони бегуноҳи шаҳри нафтхези Либия Брега изҳори таассуф мекунад. Дар изҳороти НАТО гуфта мешавад, мавзеъе дар ин ҷо ҳадаф гирифта шуда буд, ки дақиқан як ситоди ҳарбӣ унвон шудааст. Ҳукумати Либия НАТО-ро айбдор кард, ки дар байни кушташудагон 11 рӯҳонии мусулмон низ будаанд ва мардум ин ҷо барои адои намоз гирд омадаанд.
