Алӣ Абдулло Солеҳ-раиси ҷумҳури Яман дар тазоҳуроти пурҷамъияти ҷонибдоронаш дар Санъо гуфт, вай ба тақозоҳои мухолифон дар бораи истеъфояш муқовумат мекунад. Вай зимни суханони худ ҳамчунин тазоҳуроти зиддиҳукуматии даҳҳо ҳазор нафар мухолифонро, ки дуртар аз маҳали тазоҳуроти онҳо эътироз мекарданд, “ғайриқонунӣ” хонд. Суханони Алӣ Абдуллоҳ Солеҳ баъд аз як рӯзи дархости мухолифон садо дод. Мухолифон аз кишварҳои ҳамсоя хостанд, то Алӣ Абдуллоро водор кунанд, ки нақшаи шаш кишвари узви Шӯрои Ҳамкории Халиҷро барои марҳалаи гузор бипазирад.
