Додгоҳи Беларус дар пайи як мурофиае, ки сиёсӣ унвон мешавад, ду фаъоли мухолифинро бо ҷурми авбошӣ маҳкум ба зиндон кард. Раҳбари Ҷабҳаи ҷавонон Змитсер Дашкевич ба 2 соли зиндон ва узви як гурӯҳи сабтиномнашудаи мухолифин Эдуард Лобав ба 4 сол маҳкум шуданд. Дар ҳамин ҳол, Алес Михайлевич, рақиби собиқи раисиҷумҳури Беларус Аляксандр Лукашенка дар интихоботи моҳи декабр, дар Ҷумҳурии Чех ҳаққи паноҳандагӣ дарёфт кард. Михайлевич, ки баъди эътирозҳои пасоинтихоботӣ барои 2 моҳ боздошт шуд, дар авоили моҳи март аз Беларус фирор кард. Ӯ мегӯяд, дар боздоштгоҳи КГБ Беларус шиканҷа шудааст.
