Сарвазири Португалия Жозе Сократес дар пайи аз сӯи парлумон радд шудани даври чоруми тадобири зиддибуҳронии кобинаи ақалияташ истеъфо дод. Сократес дар як паёми телевизионӣ гуфт, “мухолифин шароити раҳбариро барои ҳукумат аз байн бурдаанд.” Ҳамаи 5 ҳизби мухолиф алайҳи барномаи кобинаи Сократес райъ доданд. Буҳрони кобина дар Португалия дар остонаи нишасти муҳими ИА рух дод, ки бояд мавзӯъи таҳкими сандуқи наҷоти ин созмон барои баъди соли 2013 ва иқдомоти дигар ба хотири эҳёи эътимоди сармоягузорон ба иқтисоди аъзои заифи минтақаи евро, бо шумули Португалияро баррасӣ мекард. Сократес талош дошт, касри будҷаро аз 7,3 дарсади соли гузашта имсол то 4,6 дарсад пойин биорад.
