Пайвандҳои дастрасӣ

Наврӯз дар Тоҷикистон соати 4-у 21 дақиқаи бомдод фаро мерасад


Нуҷумшиносони тоҷик мегӯянд, ки Наврӯз дар қаламрави Тоҷикистон соати 4-у 21 дақиқаи бомдоди рӯзи душанбе фаро мерасад. Хурсанд Ибоддинов-раиси пажуҳишгоҳи физики нуҷумшиносии Тоҷикистон чунин мегӯяд:

“Дар Тоҷикистон баробаршавии шабу рӯз 21-ӯми марти мо соати 4-у 21 дақиқаи пагоҳирӯзӣ рух медиҳад”.

Барои пазироӣ аз Наврӯз шоми имрӯз дар майдони ба номи Исмоил Сомонии шаҳри Душанбе бо ширкати ҳунармандони варзидаи Тоҷикистон консерти бузурги наврӯзӣ баргузор мешавад. 21-ӯми март барномаҳои наврӯзӣ дар Наврӯзгоҳ ё иппадроми пешини шаҳри Душанбе барои сокинони ин шаҳр идома меёбад. Дар манотиқи дигари Тоҷикистон низ барномаҳои саргармкунанда барои таҷлили Наврӯз дар назар гирифта шудааст. Бад- ин тариқ имрӯз охирин рӯзи омодагиҳо ба Наврӯзи хуҷастапай аст. Кишварҳое, ки Наврӯз доранд, дар ин рӯзҳо талош доранд ҳамаи суннатҳои наврӯзиро ба ҷо оранд ва бад-ин тариқ ба суннатҳои ниёгон, ки замоне хатари нобудӣ таҳдид мекард, эҳтиром қоил шаванд.
XS
SM
MD
LG