Вазорати умури дохилаи Арабистони Саудӣ баргузории эътирозҳову раҳпаймоиҳоро манъ кардааст. Шабакаи давлатии телевизионии Ал-Ахбория аз қавли ин вазорат ҳушдор дод, ки нирӯҳои амниятӣ ба хотири ҷилавгирӣ аз қасди беназмиҳо аз тамоми тадобир кор хоҳанд бурд. Аммо ҷузъиёти аз ин бештаре ироа нашудааст. Ин тадбирҳо ба дунболи эътирозҳои кӯчаки ақаллияти шиъа дар вилоёти нафтхези шарқи Саудист.
