Пайвандҳои дастрасӣ

Натоиҷи ахири маркази паҷӯҳишии Гелапт оид ба муҳоҷират нишон дод, ки 25 дарсади шаҳрвандони Тоҷикистон мехоҳанд ба хориҷи кишвар муҳоҷират кунанд.

28 дарсади пурсидашудаҳо муваққатан ва 9 дарсад ба таври доимӣ ба зиндагӣ дар хориҷи кишвар тарҷеҳ додаанд.

Созмони ҷаҳонии муҳоҷират мегӯяд, шаҳрвандони Тоҷикистон ғолибан ба кишварҳои Русия, Амрико, Канада, давлатҳои узви Иттиҳодияи Аврупо ва Аморати Араб муҳоҷират мекунанд. Аксари онҳое, ки ба хориҷаи дур рӯ меоваранд, то 40 сола буда, аз таҷрибаи кор дар созмонҳои байнулмиллалӣ ва ё имкони таҳсил дар яке аз ин кишварҳоро бархурдор будаанд.

Коршиносон мегӯянд, мизони баланди сатҳи бекорӣ ва фасод, мушкилоти фаровони иқтисодиву иҷтимоӣ, нақзи ҳуқуқи инсон ва мушкилоти дигари амсоли ин, аз сабабҳои аслии дилсардии гурӯҳи аз шаҳрвандон ба ояндаи нек дар ин кишвар шудааст.

Гуфта мешавад беш аз 16 дарсади аҳолии коршоям дар Тоҷикистон бекоранд ва ҳамасола беш аз 500 000 ба муҳоҷирати корӣ рӯ меоранд.

Намоиши шарҳҳо

XS
SM
MD
LG