Дар Тоҷикистон гурӯҳеро, ки барои ташкили аъмоли террористӣ гумонбар дониста мешавад, боздошт кардаанд. Рӯзҳои 21-22-юми январ дар назди бинои полис ва додситонии шаҳрҳои Хуҷанду Истаравшан мошинҳои шубҳаовари берақами давлатӣ гузошта шуда буданд. Маълум шуд, ки дар ин мошинҳо маводи мунфаҷира гузоштаанд. Аз додани хабар дар бораи ҳуввияти боздоштшудагон ва шумораи онҳо мақомот худдорӣ кардаанд.
