Яке аз занони қазоқ, ки бо талаби ҳаққи худ барои манзил ва дигар шароити иҷтимоӣ гуруснанишинӣ мекунад, ба бемористон интиқол дода шудааст. Ба гузориши бахши қазоқии Радиои Озодӣ, Тамара Эрғозиеваро баъди бад шудани сиҳатиаш рӯзи душанбе 24 январ ба шифохона бурдаанд ва ӯ мегӯяд, дасту пояш карахт шудаанд. Панҷ нафари дигар ҳамчунон ба гуруснанишинии худ, ки рӯзи 20 январ шурӯъ карданд, идома медиҳанд. Ин занон мегӯянд, бо гузашти солҳои тӯлонӣ аз навбаташон ҳанӯз ҳам хонаҳои ваъдашуда ба онҳоро нагирифтаанд.
