Пайвандҳои дастрасӣ

Тавсеаи ҳамкориҳои Тоҷкистону Покистон дар оянда


Хабаргузории Ассошиейтед Пресси Покистон навиштааст, Тоҷикистону Покистон ба тавофуқ расидаанд, ки ҷаҳорумин мулоқоти Кумиссиюни муштараки вазоратхонаҳои ҳар ду кишварро баргузор кунанд. Ҷонибҳо ба тавофуқ расидаанд, ки ин мулоқот аз 9 то 12-ӯми феврал дар шаҳри Душанбе баргузор шавад. Рӯзи шанбе ин тавофуқот дар мулоқоти Раҷо Парвиз Ашраф-вазири обу энержии Покистон ва Зубайдулло Зубайдов-сафири Тоҷикистон дар Исломобод ба даст омад. Дар ин мулоқот ҳамчунин қарордоди сеҷонибаи тиҷоратии миёни Тоҷикистону Афғонистон ва Покистон, сохтмони роҳи Тоҷикистону Покистон аз водии Вахон ва иҷрои тарҳи CASA-1000, ки нируи барқи Тоҷикистону Қирғизистонро ба Афғонистону Покистон интиқол медиҳад, баррасӣ шуд. Интизор меравад, ки дар ояндаи наздик раиси ҷумҳури Тоҷикистон аз Покистон боздид кунад.
XS
SM
MD
LG