Пайвандҳои дастрасӣ

Чаҳор кушта ва даҳҳо захмӣ дар таркиши Кобул


Вазорати умури дохилаи Афғонистон гуфтааст, дар натиҷаи ҳамлаи интиҳории имрӯз дар Кобул, 4 тан ба шумули ду тан аз нерӯҳои амниятӣ кушта шудаанд. Рамзи Башарӣ, сухангӯи вазорати дохилаи Афғонистон ба бахши дарии РО гуфтааст, ки иттилооти ибтидоӣ нишон медиҳад, ки дар ин рӯйдод даҳҳо тани дигар захм бардоштаанд.

Ин ҳодиса тақрибан соати 8.30 дақиқа ба вақти маҳаллӣ, замоне рух дод, ки фарди моторсиклсавор маводи таркандаи ҷобаҷошуда дар морорсиклашро дар баробари бемористон сиҳати равонии минтақаи сероҳии Алоуддини шаҳри Кобул инфиҷор дод.



Ҳомид Карзай раиси ҷумҳури Афғонистон ин ҳамларо ба шиддат маҳкум карда ва онро як амали ғайри инсонӣ ва зидди исломӣ хондааст.

Дар эъломияе, ки аз сӯи раёсати ҷумҳури Афғонистон расидааст, омада, ки раиси ҷумҳури Афғонистон ба сарпарасти вазорати сиҳати оммаи ин кишвар ҳидоят додааст то бо истифода аз тамоми инкониятҳо дар муолиҷаи захмиҳои ин ҳодиса бишитобад.

Масъулияти таркиш дар Кобулро, ҷунбиши “Толибон” бар ӯҳда гирифтаанд. Дар ин бора ахиран Забеҳулло Муҷоҳид, намояндаи ин ҷунбиш, изҳорот пахш кардааст.

Сатҳи хушунат дар Кобул назар ба дигар манотиқи Афғонистон пойинтар аст. Чораҳои иловагии ҷилавгирӣ аз ҳамлаҳои интиҳорӣ дар шаҳр, қабл аз интихоботи парлумонии соли сентябр ба роҳ монда шуда буд.
XS
SM
MD
LG