Пайвандҳои дастрасӣ

Аҳмадинажод хостори тафтиши суқути Боинг-727 шуд


Маҳмуди Аҳмадинажод, раисиҷумҳури Эрон, амр намуд, ки сабабҳои суқути ҳавопаймои ширкати давлатии Iran Air ҳамаҷониба тафтишу таҳқиқ шавад. Ҳавопаймои Боинг-727 , ки шоми рӯзи якшанбе аз Теҳрон ба шаҳри Урмия, воқеъ дар шимолу ғарби Эрон, парвоз мекард, ҳангоми фуруди изтирорӣ ба замин бархӯрд ва пора-пора шуд. Бар пояи иттилоъи ахир, бар асари суқути ҳавопаймо 77 нафар кушта ва 26 нафар маҷрӯҳ шудаанд, як нафар беному нишон ғайб задааст. Гуфта мешавад, ки дар Боинг-727 106 мусофиру сарнишин ҳузур доштанд.
Як сабаби суқути ҳавопаймо ҳавои номусоид арзёбӣ мешавад. Сарнишинон дар мавриди фуруди изтирорӣ дар ҳоле тасмим гирифтанд, ки ҳаво абрӣ буд ва барф меборид.
XS
SM
MD
LG