Пайвандҳои дастрасӣ

Сидней аз Соли Нави милодӣ истиқбол мегирад


Садҳо ҳазор нафар дар шаҳри Сиднеи Австралия гирдиҳам омадаанд, то аз Соли Нави 2011 истиқбол гиранд. Интизор меравад, ки як миллиард нафар бинандагони телевизион нашри мустақими оташакбозии солинавиро мустақиман аз Сидней бубинанд. Ин оташакбозӣ, ки соли ҷорӣ ба арзиши 5 миллион доллар мисли як намоиш дуруст шудааст дар шаҳр ва атрофи Сидней баргузор мешавад ва соати 18-и вақти Тоҷикистон оғоз мешавад. Дар Чину Ҷопон ва Кореяи Ҷанубӣ низ барои пазироӣ аз Соли Нав омодагӣ гирифтаанд. Интизор меравад, ки дар Нию Йорк дар хиёбони Таймс ҳудуди як миллион нафар барои пазироӣ аз соли Нав гирдиҳам оянд. Соли ҷорӣ дар хиёбони марказии шаҳри Душанбе низ арчаи солинавӣ оро дода шудааст ва мумкин аст баъзе аз сокинон Соли Навро дар он ҷо истиқбол гиранд. Дар Тоҷикистон солшумории соли милодӣ ҷорист ва таҷлил аз ин сол ба расмият даромадааст.
XS
SM
MD
LG