Телевизиони давлатии Ироқ гузориш дод, ки имрӯз Ҷалол Толибонӣ, раиси ҷумҳурии Ироқ дар як ҷаласа Нурӣ Ал-Моликиро ба унвони раҳбари ҳукумати ин кишвар муаррифӣ кард. Моликӣ сӣ рӯз дар ихтиёр дорад, ки ҳайати ҳукумати нави кишварашро ташкил ва муаррифӣ кунад. Бар тибқи созиши марбут ба тақсими қудрат мақоми раиси ҷумҳуриро дар Ироқ як сиёсатмадори курдтабор, раҳбари ҳукуматро араби шиамазҳаб ва раёсати парлумонро як суннимазҳаб ба ӯҳда хоҳанд гирифт.
