Пайвандҳои дастрасӣ

logo-print

Кеннет Гросс Иди Қурбонро ба мардум табрик гуфт


Сафири Амрико дар Душанбе Кеннет Гросс дар паёми идонааш бо табрики мардум ба Иди Қурбон хостори дӯстӣ ва муносибатҳои тозаи ҳамкории Амрико бо мардуми Тоҷикистон шуд: "Аз номи ҳалқи Иёлоти Муттаҳидаи Амрико ман мардуми Тоҷикистонро бо Иди Қурбон табрик менамоям. Имрӯз мо эҳтироми умумиамонро ба эътиқод ва оила ба хотир меорем. Мо дар якҷоягӣ дуо мегӯем ва тааммул мекунем ва интизори муносибатҳои тозаи ҳамкорӣ ва дӯсти бо мардуми Тоҷикистон астем. Ман ба кулли мардуми Тоҷикистон беҳтарин таманниёти худро дар ин рӯзи хоса пешкаш менамоям. Ид муборак!"
Раисиҷумҳури Тоҷикистон Эмомалӣ Раҳмон мардумро бо иди Қурбон табрик гуфта, таҷлили озодонаи ин идро аз дастовардҳои замони истиқлоли кишвар ном бурдааст. Оқои Раҳмон ин дафъа дар паёмаш ба таълиму тарбияи фарзандон, бахусус ба аҳамияти омӯхтани улуми муосир таъкид кардааст. Раиси ҲНИТ Муҳиддини Кабирӣ низ дар паёме мардумро бо Иди Қурбон табрик гуфта, хостори дар ин рӯз дурӣ ҷустани мусалмонон аз кинаву душманӣ ва бадгӯиву бадхоҳӣ шудааст.
Иди Қурбон дар Тоҷикистон 16 ноябр таҷлил мешавад. Ширкати "Барқи Тоҷик" хабар дод, ки дар рӯзҳои ид лимити нирӯи барқро аз байн мебардорад.
XS
SM
MD
LG