Иёлоти Муттаҳида ва Индонезия ба тавофуқ расиданд, ки ҳамкориҳо дар муборизаи зидди терроризм, тиҷорат, масъалаҳои иқлим ва энержиро густариш диҳанд. Президенти Индонезия, Сушило Бамбанг Юдҳоёно ва ҳамтои амрикоии ӯ, Барак Обама, дар ин бора дар нишасти матбуотии муштарак пас аз мулоқоти дуҷониба дар Ҷакарта хабар доданд. Обама дирӯз вориди Ҷакарта шуд. Қаблан сафари ӯ ба Индонезия ду дафъа ба таъхир афтода, лағв шуда буд.
