Бино ба хабари расонаҳои гурӯҳии маҳаллӣ, Абдуҷаббор Раҳмонов-вазири маорифи Тоҷикистон дастур додааст, ки таътили тирамоҳӣ ва баҳорӣ дар мактабҳои ин кишвар аз миён бардошта шавад. Таътили тирамоҳӣ аз 24-ӯми октябр то 1-ӯми ноябр ва таътили баҳорӣ аз 24-ӯми март то 1-ӯми апрел давом мекард. Акнун тибқи дастури вазир ин рӯзҳои таътил ба таътили зимистона ҳамроҳ мешавад ва он аз 1 то 31-ӯми январ давом мекунад. Вазири маориф гуфтааст, сабаб ин будааст, ки дар зимистон муаллимон ба давраҳои омӯзишии такмили ихтисос ҷалб мешаванд ва шогирдони мактабҳо дар олимпиадаҳои мактабӣ ширкат мекунанд.
