Нахустин муҳокимаи як зиндонии Гуантанамо дар додгоҳи шаҳрвандӣ рӯзи сешанбе дар шаҳри Ню Йорк шурӯъ шуд. Додситони федеролӣ Николас Левин ба раиси додгоҳ гуфт Аҳмад Халфон Ғайлонӣ узви Ал-қоида буда ва мехостааст, амрикоиҳоро бикушад. Аммо Стив Зиссоу, вакили дифоъи Ғайлонӣ мегӯяд, муваккили ӯ нодониста фармоиши дӯстони тоҷирашро иҷро кардааст, ки ба Ал-қоида иртибот доштаанд. Аҳмад Ғайлониро ба бомбгузориҳои соли 1998 дар ду сафорати Амрико дар Африқо муттаҳам медонанд, ки 224 кушта бар ҷой гузошт. Ӯ худро бегуноҳ медонад.