Пайвандҳои дастрасӣ

Волии Қундуз ва 14 нафари дигар дар масҷид кушта шуданд


Пулис мегӯяд, имрӯз Муҳаммад Умар-волии вилояти Қундуз ва 14 нафари дигар ҳангоми адои намоз дар яке аз масҷидҳои Толеқон-маркази вилояти Тахори ҳамсоя кушта шудаанд. Бино ба гузоришҳо, 20 нафари дигар дар ин инфиҷор ҷароҳат бардоштаанд. Пулис мегӯяд, ба эҳтимоли зиёд афроди номаълум дар масҷид бам гузоштаанд. Абдулҷабор Тақво-волии вилояти Тахор гуфт, ин бам шояд бар зидди Муҳаммад Умар гузошта шуда буд, зеро вай аз Тахор буд ва мунтазам намозҳои рӯзи ҷумъаро дар Толеқон-маркази вилояти Тахор мегузошт. Муҳаммад Умар дар гузашта аз ду сӯиқасд ҷон ба саломат бурда буд, аз ҷумла аз инфиҷори баме дар роҳ, ки ду моҳи қабл рух дода буд.
XS
SM
MD
LG