Дар шумораи ахири маҷаллаи Forbes ҳамсари раиси ҷумҳурии Амрико Мишел Обама бонуфузтарин зани ҷаҳон номгузорӣ шудааст. Садри аъзами Олмон Ангела Меркел, ки соли гузашта дар садри ин феҳраст қарор дошт, имсол ба мавқеи чаҳорум кӯчидааст. Баъди ӯ дар ҷои панҷум вазири хориҷаи Амрико Ҳилларӣ Клинтон қарор гирифт. Ҷойҳои дуюм ва сеюми ин феҳрастро мутаносибан раиси иҷроияи ширкати Kraft Foods Ирен Розенфелд ва барандаи маъруфи телевизион Опра Винфрӣ касб кардаанд.
