Дастаи мардонаи Тоҷикистон дар ҳайати Фаррух Амонатов, Ҷамшед Исоев, Соҳиб Ҷӯраев ва Рашид Ҳусейнов бар тими Эфиопия бо ҳисоби 4-0 ғолиб шуд.
Мардони шатранҷбози тоҷик бо 2 пирӯзӣ, 2 мусовӣ ва 2 бохт дар байни 149 даста ҷои 64-умро касб кардаанд. Тоҷикистон байни кишварҳои собиқи шӯравӣ танҳо аз дастаи мардонаи Молдова пеш аст.
Дастаи занонаи Тоҷикистон бошад, дар даври шашум тими Замбияро бо ҳисоби 3-1 шикаст дод. Дар ин бозӣ шатранҷбозони ҷавон Надежда Антонова, Асила Мӯҳтоҷзода ва Мутрибаи Илҳом бар рақибонашон пирӯз шуданд, вале шатранҷбози пуртаҷриба Лидия Антонова мағлуб гашт.
Ҳамин тариқ, дастаи занонаи Тоҷикистон баъди 6 бозӣ (3 ғалаба, 1 мусовӣ ва 2 бохт) дар байни 115 даста дар ҷои 39-ум қарор дорад. Тоҷикистон миёни кишварҳои собиқи шӯравӣ пеш аз дастаҳои занонаи Туркманистон, Молдова, Литва ва Қирғизистон ҷойгир шудааст.
Ба ин тартиб, пас аз ҷамъбасти 6 даври мусобиқот дар сабқати мардон дастаҳои Укроин, Арманистон, Гурҷистон, Русия-1 ва Русия-2 ва дар сабқати занон дастаҳои Русия-1, Маҷористон, Гурҷистон, Укроин ва Чин пешсафанд.
Имрӯз, 28-уми сентябр, даври ҳафтуми мусобиқот баргузор мешавад. Дастаи мардонаи Тоҷикистон бо тими Туркия ва дастаи занонаи кишвар бо тими Испания рақобат мекунанд.
Олимпиадаи ҷаҳонӣ дар 11 давр то рӯзи 4-уми октябр идома хоҳад кард.
Мардони шатранҷбози тоҷик бо 2 пирӯзӣ, 2 мусовӣ ва 2 бохт дар байни 149 даста ҷои 64-умро касб кардаанд. Тоҷикистон байни кишварҳои собиқи шӯравӣ танҳо аз дастаи мардонаи Молдова пеш аст.
Дастаи занонаи Тоҷикистон бошад, дар даври шашум тими Замбияро бо ҳисоби 3-1 шикаст дод. Дар ин бозӣ шатранҷбозони ҷавон Надежда Антонова, Асила Мӯҳтоҷзода ва Мутрибаи Илҳом бар рақибонашон пирӯз шуданд, вале шатранҷбози пуртаҷриба Лидия Антонова мағлуб гашт.
Ҳамин тариқ, дастаи занонаи Тоҷикистон баъди 6 бозӣ (3 ғалаба, 1 мусовӣ ва 2 бохт) дар байни 115 даста дар ҷои 39-ум қарор дорад. Тоҷикистон миёни кишварҳои собиқи шӯравӣ пеш аз дастаҳои занонаи Туркманистон, Молдова, Литва ва Қирғизистон ҷойгир шудааст.
Ба ин тартиб, пас аз ҷамъбасти 6 даври мусобиқот дар сабқати мардон дастаҳои Укроин, Арманистон, Гурҷистон, Русия-1 ва Русия-2 ва дар сабқати занон дастаҳои Русия-1, Маҷористон, Гурҷистон, Укроин ва Чин пешсафанд.
Имрӯз, 28-уми сентябр, даври ҳафтуми мусобиқот баргузор мешавад. Дастаи мардонаи Тоҷикистон бо тими Туркия ва дастаи занонаи кишвар бо тими Испания рақобат мекунанд.
Олимпиадаи ҷаҳонӣ дар 11 давр то рӯзи 4-уми октябр идома хоҳад кард.
