Нерӯҳои ба раҳбарии НАТО дар Афғонистон мегӯянд, ду сарбозашон бар асари таркиши бомби худсохте дар шарқи ин кишвар кушта шуданд ва нерӯҳои эътилофӣ дар даргирие дар ҳамин қисмати Афғонистон, 34 ҷангҷӯро ҳалок кардаанд. Ҷузъиёти ҳалокати сарбозони хориҷӣ нашр нашудааст, аммо 34 ҷангҷӯро нерӯҳои эътилофӣ ҳамроҳ бо нерӯҳои маҳалли Афғонистон дар ноҳияи Алишинг дар вилояти шарқии Лағмон маҳв кардаанд.
