Пайвандҳои дастрасӣ

Хабари нав

Ҷузъиёти хабари инфиҷор дар бозори Владикавказ


Раиси ҷумҳури Осетияи Шимолӣ мегӯяд, инфиҷори маргбори мазкур дар шаҳри Владикавказро як бомбгузори интиҳорӣ анҷом додааст. Таймураз Мамсуров гуфт, бар асари таркиш дар бозори марказии Владикавказ дасти кам 8 нафар ҳалок ва бештар аз 30 тани дигар маҷрӯҳ шудаанд. Таймураз Мамсуров, ки аз маҳалли ҳодиса боздид кард, гуфт, эҳтимолан теъдоди қурбониён хоҳад афзуд, зеро вазъи чанд нафар захмӣ бисёр вазнин аст. Дар гузоришҳои пештар гуфта мешуд, ки мошини бомбгузоришуда дар даромадгоҳи бозор мунфаҷир шудааст. Бозори мазкур дар шаҳри Владикавказ чандин маротиба дар солҳои гузашта мавриди ҳамла қарор гирифт ва даҳҳо нафар ҳам дар ин ҳамлаҳо кушта шудаанд. Хушунат дар Осетияи ҷанубӣ назар ба дигар кишварҳои қафзоқии Русия ба мисли Чеченистон ва Доғистон камтар будааст.
XS
SM
MD
LG