Мақомоти Ҳуланд ду шаҳрванди Яманро, ки рӯзи сешанбе бо гумони ташкили ҳамлаи террористӣ дар ҳавопаймо боздошт шуда буданд, бидуни эълони иттиҳом раҳо карданд. Дар бағоҷи ду мусофир, ки аз Чикаго ба Амстердам омада буданд, соат ва телефони дастии бо ҳам пайваста ва се корди калон ошкор шуд ва мақомоти Ҳуланд дар ин бора Раёсати амнияти дохилии Амрикоро огаҳ намуданд. Ва аммо дар ҷараёни тафтиш ягон далели таҳияи ҳамлаи террористӣ аз сӯи шаҳрванди Яман ошкор нашуд.
