Раиси ҲНИТ баъд аз мулоқот ба хабарнигорон гуфт, муносибати ҳукумати Тоҷикистон ба ин ҳизби исломӣ баъд аз интихоботи парлумонӣ дар кишвар тағйир хурдааст ва рӯз аз рӯз шадидтар мешавад. Муҳиддин Кабирӣ гуфт, ки сабаби сардии ҳукумат ба ҳизби исломиро намедонад.
Ҷаноби Кабирӣ изҳори умедворӣ кард, ки ҳукумат байни исломиёни тундрав ва муътадил фарқ бигузорад ва муносибат ба Ҳизби наҳзати исломиро беҳтар кунад.
Мулоқоти ёвари вазири хориҷаи Амрико бо раиси Ҳизби наҳзати исломии Тоҷикистон дар пайи дидор ва гуфтугӯи ӯ бо раисиҷумҳури кишвар сурат гирифт. Дар мулоқотҳои Роберт Блейк бо мақомоти баландпояи Тоҷикистон аз дирӯз то ба имрӯз масоили амнияти марзҳо, ҳамкориҳои иқтисодӣ ва соҳаи кишварзи аз мавзӯъҳои калидӣ буд.
Иёлоти Муттаҳидаи Амрико аз бузургтарин кӯмаккунандаи Тоҷикистон аст ва аз соли 1992 ба ин тараф як миллиард доллари амрикоӣ кӯмаки билоивазро дар ихтиёри Тоҷикистон гузоштааст.
Оқои Блейк пас аз мулоқот бо раисҷумҳури Тоҷикистон дар ҷамъи хабарнигорон гуфт, кишвараш ҳаҷми кӯмакҳояш ба Тоҷикистонро 10 дарсад афзоиш додааст.
Тибқи иттилоъи сафорати ИМА дар Душанбе, соли гузашта ҳукумати Амрико барои барномаҳояш дар Тоҷикистон 59 миллион доллар харҷ карда буд ва ин рақам имсол ҳудуди 66 миллион доларро ташкил мекунад. Ин маблағҳо ба таҳкими марз, ислоҳоти адлия ва қонунгузорӣ, беҳбуди стандартҳои зиндагӣ, рушди иқтисод ва кӯмакҳои башарӣ равона шудаанд.
Ҷаноби Кабирӣ изҳори умедворӣ кард, ки ҳукумат байни исломиёни тундрав ва муътадил фарқ бигузорад ва муносибат ба Ҳизби наҳзати исломиро беҳтар кунад.
Мулоқоти ёвари вазири хориҷаи Амрико бо раиси Ҳизби наҳзати исломии Тоҷикистон дар пайи дидор ва гуфтугӯи ӯ бо раисиҷумҳури кишвар сурат гирифт. Дар мулоқотҳои Роберт Блейк бо мақомоти баландпояи Тоҷикистон аз дирӯз то ба имрӯз масоили амнияти марзҳо, ҳамкориҳои иқтисодӣ ва соҳаи кишварзи аз мавзӯъҳои калидӣ буд.
Иёлоти Муттаҳидаи Амрико аз бузургтарин кӯмаккунандаи Тоҷикистон аст ва аз соли 1992 ба ин тараф як миллиард доллари амрикоӣ кӯмаки билоивазро дар ихтиёри Тоҷикистон гузоштааст.
Оқои Блейк пас аз мулоқот бо раисҷумҳури Тоҷикистон дар ҷамъи хабарнигорон гуфт, кишвараш ҳаҷми кӯмакҳояш ба Тоҷикистонро 10 дарсад афзоиш додааст.
Тибқи иттилоъи сафорати ИМА дар Душанбе, соли гузашта ҳукумати Амрико барои барномаҳояш дар Тоҷикистон 59 миллион доллар харҷ карда буд ва ин рақам имсол ҳудуди 66 миллион доларро ташкил мекунад. Ин маблағҳо ба таҳкими марз, ислоҳоти адлия ва қонунгузорӣ, беҳбуди стандартҳои зиндагӣ, рушди иқтисод ва кӯмакҳои башарӣ равона шудаанд.