Пайвандҳои дастрасӣ

Мулоқоти Ҳу Ҷинтао ва Ким Чен Ир дар Чангчун


Матбуоти Чину Кореяи шимолӣ хабари мулоқоти раҳбарони ин ду кишвар Ҳу Ҷинтао ва Ким Чен Ир дар шаҳри Чангчун, дар шимолушарқи Чинро тасдиқ кард. Тасдиқи расмии ин хабар имрӯз фақат баъд аз бозгашти Ким Чен Ир ба Кореяи шимолӣ расид. Матбуоти Чин мегӯяд, Ким Чен Ир дар ин мулоқот пойбандиаш ба пок кардани нимқораи Корея аз тасҳлиҳоти ҳастаиро баён ва хостори зудтар аз сар гирифтани музокироти шашгона бар сари барномаҳои ҳастаии Пхенян шудааст.
Аммо хабарҳо дар бораи Ким Чен Ирро дар ин сафар ҳамроҳӣ кардани писари ҷавонаш Ким Чен Ун ҳанӯз расман тасдиқ нашудааст. Ким Чен Ун вориси эҳтимолии тахти Кореяи шимолӣ арзёбӣ мешавад. То ба қудрат расидани Ким Чен Ир раҳбарии Кореяи шимолиро Ким Ир Сен бар ӯҳда дошт. Дар маҷмӯъ, беш аз 60 сол аст, ки зимоми қудрат дар ин давлати коммунистӣ дар дасти ҳамин сулола қарор дорад.
XS
SM
MD
LG