Пайвандҳои дастрасӣ

logo-print

Норозигии сафорати Узбакистон аз мансабдорони тоҷик


Сафорати Узбакистон дар Тоҷикистон бо пахши як баёния мансабдорон ва бархе расонаҳои Тоҷикистонро ба нашри баёнияҳои ғайримусаннад ва иттиҳомоти бардурӯғ алайҳи Узбакистон дар робита ба қазияи вагонҳо айбдор кардааст.
Дар баёнияи дафтари матбуоти сафорат гуфта мешавад, ки мушкил дар транзити вагонҳои Тоҷикистон ба далели анҷоми корҳои тармимӣ дар бахше қисматҳои селзадаи масири Тирмиз-Амӯзанг пеш омада буд, ки аз ҳисоби масирҳои дигари ба самти Тоҷикистон ҷуброн мешуд. Ба гуфтаи сафорат, дар моҳи майи соли ҷорӣ транзити вагонҳо ба Тоҷикистон назар ба моҳи майи соли гузашта баръакс 2,7 дарсад афзудааст.
Мақомоти Душанбе аз моҳи феврал ба ин сӯ ҷониби Узбакистонро дар мониагузорӣ дар роҳи транзити вагонҳои ҳомили молу коло барои Тоҷикистон муттаҳам мекунанд.
Душанбе ба манзури ҳалли ин мушкил ҳатто аз СММ ва САҲА хостори миёнҷигӣ шуда буд.
XS
SM
MD
LG