Пайвандҳои дастрасӣ

Журналистони эронӣ озодии ҳамкасби худро талаб карданд


Зиёда аз 90 журналисти эронӣ бо нигаронӣ аз вазъи ҳамкасбони боздоштшудаи худ ба додситони кулли Теҳрон номаи дастаҷамъона фиристоданд. Онҳо, аз ҷумла озодии журналист Абдулризо Тоҷикро талаб карданд. Ин нома ба унвони Додситони кулли Теҳрон, Аббос Ҷаъфарии Давлатободӣ рӯзи чаҳоршанбе ба нашр расид. Хонаводаи Тоҷик низ ахиран дар номае ба мақомоти додгустарии Эрон навишт, ки Абдулризо дар боздоштгоҳ ҳадафи ҳамлаи ҷинсӣ ва ҷисмонӣ қарор гирифтааст. Вакили ҳуқуқии ӯ, Муҳаммад Шариф низ гуфтааст, ки кормандони амниятӣ ба номуси Тоҷик таҷовуз кардаанд. Тоҷик, журналист ва ҳомии ҳуқуқи инсон рӯзи 12-уми июни соли гузашта барои эътирозаш аз натиҷаҳои интихоботи президентии Эрон боздошт шуда буд. Ҳанӯз айбномаи расмие ба ӯ эълон нашудааст.
XS
SM
MD
LG