Тибқи хабарҳои матбуотии Тоҷикистон, то 20-ӯмин солгарди истиқлоли Тоҷикистон, яъне то соли оянда дар кӯчаҳои аслии шаҳри Душанбе камераҳои назорати видиоӣ гузошта мешавад. Ин тарҳ 47 миллион доллар арзиш дорад ва 4 миллиони он аз ҳисоби грантҳо гирифта мешавад. Тарҳи мазкур аз ҳисоби қарзҳои боимтиёзи Чин сармоягузорӣ хоҳад шуд. Ҳоло барои кор бо ин камераҳои видиоӣ 150 нафар давраҳои омӯзиширо мегузаранд.