Тамоми 56 кишвари узви Созмони Амният ва Ҳамкории Аврупо бо тасвиби қароре барои фиристодани гурӯҳи машваратии пулис ба Қирғизистон тавофуқ карданд. Бар асоси қарори Шӯрои доимии созмон, гурӯҳи машварии пулиси байналмилалӣ ба Қирғизистон дар амри коҳиши танишҳои байниқавмӣ ва тақвияти қудрати воҳидҳои минтақавии вазорати умури дохилаи Қирғизистон кӯмак хоҳад кард. Гурӯҳи машваратӣ аз 52 нафар маъмури ғайримусаллаҳи пулис иборат буда ва ҳеҷ ҳаққи фармондиҳӣ нахоҳад дошт ва дар марҳилаи аввал барои чаҳор моҳ фаъолият хоҳад кард.