Пайвандҳои дастрасӣ

Боздиди Ҳилларӣ Клинтон аз Кобул оғоз шуд


Ҳилларӣ Клинтон-вазири корҳои хориҷаи Амрико барои гуфтугӯ бо Ҳомид Карзай-раиси ҷумҳури Афғонистон ва барои ширкат дар конфронсе роҷеъ ба сарнавишти ояндаи Афғонистон вориди Кобул шуд. Қарор аст хонум Клинтон бо генерал Дэвид Петреус-фармондеҳи нируҳои Амрико ва НАТО дар Афғонистон низ мулоқот кунад. Конфронс рӯзи сешанбе оғоз мешавад ва ҳамраисии онро Ҳомид Карзай ва Бан Ки Мун-Дабири Кулли СММ бар ӯҳда хоҳанд дошт. Бан Ки Мун-Дабири Кулли СММ аз Ҳомид Карзай дархост кард, ки дар конфронси кишварҳои кӯмаккунанда барои беҳбуди шеваҳои мудирият дар умури идорӣ ва мусолиҳаи миллӣ дар Афғонистон "иқдомот"-и мушаххас пешниҳод кунад. 70 намояндаи байналмиллалӣ ва 40 вазири корҳои хориҷаи кишварҳои мухталиф ба сарпарастии Ҳилларӣ Клинтон-вазири корҳои хориҷаи Амрико дар конфронс ширкат хоҳанд дошт. Ин конфронс навъе идомаи конфронси Лондон хоҳад буд, ки дар моҳи январи соли ҷорӣ баргузор шуда буд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG