Дар бозиҳои Ҷоми ҷаҳон оид ба футбол, ки дар Африқои ҷанубӣ ҷараён дорад, дастаи Олмон ҳам ба бозиҳои ниманиҳоӣ роҳ ёфт. Ин даста аз болои тими Аргентина бо ҳисоби 4 бар 0 пирӯз шуд. Имрӯз дастаҳои Парагвай ва Испания барои соҳиб шудан ба роҳхати охирин бо ҳам бозӣ мекунанд. Рӯзи ҷумъа дастаҳои Ҳоланд ва Уругвай ба бозиҳои ниманиҳоӣ роҳ ёфтанд. Бозиҳои ниманиҳоӣ рӯзҳои 6 ва 7 июл баргузор мешаванд.
