Бино бар хабарҳо шабакаи Ал Қоида мақсад дорад, дар интернет рӯзномаи таблиғотии худро ба забони инглисӣ ба нашр расонад. Мақомоти мубориза бо терроризм ва таҳлилгарон мегӯянд, рӯзномаи "Инспайр" ё "Илҳомбахш" аз тарафи бахши Ал Қоида дар Яман таҳия хоҳад шуд. Ҳамин гурӯҳ ба талоши бомбгузорӣ дар ҳавопаймои амрикоӣ дар арафаи Соли нав айбдор мешавад. Гурӯҳ нашри рӯзномаро бо як таблиғияи "ҳадияи вижа ба миллати ислом" хабар додааст.
