Пайвандҳои дастрасӣ

Бохти мунтахаби Тоҷикистон дар Чин


Дастаи мунтахаби олимпии Тоҷикистон дар бозии дӯстона аз тими миллии Чин дар шаҳри Куньмин бо ҳисоби бузурги 0:4 шикаст хӯрд.

Дар ин бозии санҷишӣ футболбозони тоҷик бо раҳбарии Шариф Назаров ширкат карданд ва ҳарчанд дастаи Тоҷикистон мунтахаби олимпӣ ном бурда мешавад, ба ҳайати он аслан бозигарони тими миллии кишвар шомил буданд. Нимаи аввали бозӣ бо ҳисоби 1:0 анҷом ёфт. Мизбонон дар нимаи дуввум ба дарвозаи мунтахаби Тоҷикистон боз се гол заданд.

Футболбозони тоҷик дар бозии дигари дӯстона, ки рӯзи 30-юми июн дар шаҳри Урумчии Чин баргузор мешавад, бо яке аз дастаҳои лигаи олии ин кишвар қувваозмоӣ хоҳанд кард.

Мунтахаби Тоҷикистон (ҳайати асосӣ): Алишер Додов, Раҳматулло Фузайлов, Фаррух Чориев, Даврон Эргашев, Саид Эргашев, Иброҳим Рабимов, Нӯъмон Ҳакимов, Ҷамшед Исмоилов, Ҷомихон Муҳиддинов, Комил Саидов, Даврон Тухтасунов.

Дар нимаи дуввум инҳо ба майдон баромаданд: Ҳасан Рустамов, Сафаралӣ Каримов, Идибек Ҳабибуллоев, Исомиддин Қурбонов, Руслан Раҳматов, Шодибек Ғаффоров.
XS
SM
MD
LG