Дар ҷараёни баргузории ҳамоиши сарони Бистгона дар Торонто полис барои қатъи бетартибиҳои оммавии тазоҳуркунандагон аз гази ашковар истифода кард. Сар аз рӯзи шанбе зиёда аз 600 ширкаткунандаи беназмиҳо боздошт шудаанд. Боздошти онҳо замоне сар шуд, ки гурӯҳҳои сиёҳпӯш аз ҷамъи тазоҳургарон ҷудо шуда, ба шикастани шишаи фурӯшгоҳҳо ва мошинҳои полис пардохтанд. Бахши асосии онҳоро аъзои гурӯҳҳои анархист ташкил медиҳанд.