Эмомалӣ Раҳмон, раисҷумҳури Тоҷикистон ва ҳамзамон президенти Кумитаи миллии олимпии кишвар, дар маросими ифтитоҳи ин иншооти замонавӣ ва расми кушоиши нахустин мусобиқаи ҷумҳуриявӣ оид ба гуштии дзю-до байни наврасон барои дарёфти «Ҷоми Ваҳдати миллӣ» суханронӣ карда, аз ҷумла таъкид дошт, ки «ғамхориҳои пайвастаи давлату ҳукумат ва таваҷҷӯҳи зиёди соҳибкорони баору номуси ватанӣ ба ин соҳа варзишгарони тоҷикро ба фатҳи қуллаҳои баланд дар мусобиқоти ҷаҳониву қитъавӣ ва байналмилалӣ водор месозанд».
Воқеъан, барои бунёди толори нави варзишии «Вастан» беш аз 600 000 доллар масраф шудааст ва ин маблағро соҳибкор Нуралӣ Шарифов, раиси Ҷамъияти саҳҳоми шакли пӯшидаи «Файз», пардохт кардааст.
Эмомалӣ Раҳмон ба ҳамаи иштирокдорони мусобиқаи ҷумҳуриявӣ либоси гуштигирии «кимано» тӯҳфа намуд. Дар навбати худ паҳлавонони маъруфи тоҷик Расул Боқиев, барандаи медалҳои биринҷии олимпӣ ва сабқати ҷаҳонӣ дар риштаи дзю-до ва Набимуҳаммад Хоркашев, барандаи медали нуқраи сабқати ҷаҳонӣ ва қаҳрамони Осиё оид ба гуштии самбо, ки дар ин мусобиқа парчами Тоҷикистонро барафрохтанд, ба Эмомалӣ Раҳмон аз номи варзишгарони кишвар либоси гуштигирӣ тӯҳфа карданд.
Ҳамчунин Расул Боқиев бо паҳлавонони наврас тамрини намунавии устодона анҷом дод.
Нахустин мусобиқаи ҷумҳуриявӣ, ки бо ширкати беш аз 80 варзишгар аз ҳамаи манотиқи кишвар баргузор шуд, бо пирӯзии дастаи мунтахаби наврасони вилояти Хатлон ба анҷом расид. Дастаи мунтахаби вилояти мухтори Кӯҳистони Бадахшон мақоми дуввумро касб кард. Дастаи бошгоҳи «Вастан»-и шаҳри Душанбе дар ҷои севум қарор гирифт.
Дар рақобатҳои инфиродӣ гуштигирони ҷавон Саидалӣ ва Олим Назриевҳо, Шоҳрух Боймаҳмадов (ҳарсе аз вилояти Хатлон), Хусрав Аламов ва Дидоралӣ Ҳамроҳ (ҳарду аз Бадахшон), Муҳаммад Раҳмонов ва Нуриддин Зоирбеков (аъзои бошгоҳи «Вастан») ва Хусрав Аламов (аз шаҳри Ваҳдат) мувофиқи вазни худ ҷойҳои аввалро касб карда, бо медалҳои тилло мукофотонида шуданд.
Воқеъан, барои бунёди толори нави варзишии «Вастан» беш аз 600 000 доллар масраф шудааст ва ин маблағро соҳибкор Нуралӣ Шарифов, раиси Ҷамъияти саҳҳоми шакли пӯшидаи «Файз», пардохт кардааст.
Эмомалӣ Раҳмон ба ҳамаи иштирокдорони мусобиқаи ҷумҳуриявӣ либоси гуштигирии «кимано» тӯҳфа намуд. Дар навбати худ паҳлавонони маъруфи тоҷик Расул Боқиев, барандаи медалҳои биринҷии олимпӣ ва сабқати ҷаҳонӣ дар риштаи дзю-до ва Набимуҳаммад Хоркашев, барандаи медали нуқраи сабқати ҷаҳонӣ ва қаҳрамони Осиё оид ба гуштии самбо, ки дар ин мусобиқа парчами Тоҷикистонро барафрохтанд, ба Эмомалӣ Раҳмон аз номи варзишгарони кишвар либоси гуштигирӣ тӯҳфа карданд.
Ҳамчунин Расул Боқиев бо паҳлавонони наврас тамрини намунавии устодона анҷом дод.
Нахустин мусобиқаи ҷумҳуриявӣ, ки бо ширкати беш аз 80 варзишгар аз ҳамаи манотиқи кишвар баргузор шуд, бо пирӯзии дастаи мунтахаби наврасони вилояти Хатлон ба анҷом расид. Дастаи мунтахаби вилояти мухтори Кӯҳистони Бадахшон мақоми дуввумро касб кард. Дастаи бошгоҳи «Вастан»-и шаҳри Душанбе дар ҷои севум қарор гирифт.
Дар рақобатҳои инфиродӣ гуштигирони ҷавон Саидалӣ ва Олим Назриевҳо, Шоҳрух Боймаҳмадов (ҳарсе аз вилояти Хатлон), Хусрав Аламов ва Дидоралӣ Ҳамроҳ (ҳарду аз Бадахшон), Муҳаммад Раҳмонов ва Нуриддин Зоирбеков (аъзои бошгоҳи «Вастан») ва Хусрав Аламов (аз шаҳри Ваҳдат) мувофиқи вазни худ ҷойҳои аввалро касб карда, бо медалҳои тилло мукофотонида шуданд.
