Озарбойҷон мегӯяд, зарари умумии ҷанг бо Арманистон барои Қарабоғи Кӯҳистонӣ-минтақаи мавриди хусумати ҳар ду ҷониб 70 миллиард манат ё 87 миллиард долларро ташкил медиҳад. Рӯзи панҷшанбе Алӣ Ҳасанов-раиси Кумитаи давлатии паноҳҷӯён ва беҷошудагони дохилӣ ин арқомро эълон кард. Ҳасанов гуфт, шумораи зиёди парвандаҳои беҷошудагони дохилии Озарбойҷон дар Додгоҳи аврупоии ҳуқуқи башар дар Страсбурги Фаронса қарор дорад.